Pyrrha's Roman
Pages
title page![[the real Medusa!]](mabig1.gif)
Horace : Satires II 6, line 79 onwards
You may like to print out the passage below so that you can follow it when the recording begins ...
![[listen!]](pothor.jpg)
olim
rusticus urbanum murem mus paupere fertur
accepisse cavo, veterem vetus hospes amicum,
asper et attentus quaesitis, ut tamen artum
solveret hospitiis animum. quid multa? neque ille
sepositi ciceris nec longae invidit avenae,
aridum et ore ferens acinum semesaque lardi
frusta dedit, cupiens varia fastidia cena
vincere tangentis male singula dente superbo :
cum pater ipse domus palea porrectus in horna
esset ador loliumque, dapis meliora relinquens.
tandem urbanus ad hunc "quid te iuvat" inquit, "amice,
praerupti nemoris patientem vivere dorso?
vis tu homines urbemque feris praeponere silvis?
carpe viam, mihi crede, comes ; terrestria quando
mortalis animas vivunt sortita, neque ulla est
aut magno aut parvo leti fuga : quo, bone, circa,
dum licet, in rebus iucundis vive beatus :
vive memor, quam sis aevi brevis."